Брачен пар од Мичиген правел се заедно за време на 70-те години брак, се до својот последен ден – починале со само 20 минути разлика, во истата болничка соба.

Лес и Фрида Остин од Џексон, двајцата на 90-годишна возраст, на 6 декември дошле рака под рака во болницата, каде наредниот ден и починале.

Сопружниците се запознале во средно училиште, а нивниот прв состанок бил на матурската вечер. Се венчале во 1949 година.

„Се правеа заедно. Дури и починаа заедно. Мислам дека знаеа како полека умира тоа другото и низ целиот процес поминаа заедно. Сметам дека тоа е прекрасно“, кажува нивната ќерка Сенди Мејс.

„Доколку веќе мораа да умрат, ова беше најромантичниот начин за тоа“, додал нивниот син Мајкл Остин.

Лес и Фрида прославиле 70-годишнина од бракот во ноември оваа година. Тој бил полицаец во пензија, а таа водела перална за хемиско чистење во Џексон.