Поранешниот шеф на СТО: 50 отсто од светската популација може да биде лишена од пристап до вакцината во рок од неколку месеци

epa04378976 Pascal Lamy, former Director General of the World Trade Organisation (WTO) and Chairman of the Advisory Group, and Neelie Kroes (not pictured), Vice President of the European Commission in charge of Digital Agenda, present the report on the future use of UHF spectrum for TV and wireless broadband, at the EU Commission headquarters in Brussels, Belgium, 01 September 2014. Main recommendations include a method for further sharing of 700Mhz spectrum for broadband use, while preserving opportunities for TV. EPA/JULIEN WARNAND

-Не можам да замислам полоша ситуација од онаа во која би се нашле за неколку месеци, гледајќи на планета каде некои би имале пристап до вакцината, богатите, белците, кога друг дел од човештвото ќе биде оставено настрана, инсистираше Паскал Лами.

Третиот мировен форум, што ќе се одржи во Париз во ноември, ќе биде посветен на светот по-Ковид-19 и начините за излез од пандемијата, јави дописникот на МИА.

Како што соопштија организаторите на форумот, трката за вакцини, борбата против ширењето на вирусот и промовирањето на мултилатералност, кој изгуби многу енергичност во последните месеци, ќе биде во центарот на овој меѓународен собир од 11 до 13 ноември. Жустин Вајс, генерален директор на форумот ја сумираше агендата на собирот со следните зборови: „кои треба да бидат принципите на пост-ковидскиот свет? Прво како да се излезе од него, потоа како да се обликува светот што доаѓа? “.

На форумот ќе бидат испратени меѓу 30 и 60 придонеси од шефови на држави, влади и меѓународни организации, од кои 10 до 15 од нив се очекува да бидат физички присутни, додаде генералниот директор. Како минатата и претходната година, САД нема да испратат ниту еден официјален претставник на форумот.

-Голем ризик, во ова нарушување, е дека 50 отсто од светската популација може да биде лишена од пристап до вакцината во рок од неколку месеци, што би претставувало голем, катастрофален колективен неуспех, процени претседателот на Форумот и поранешен шеф на Светската трговска организација (СТО), Паскал Лами.

-Овој проблем со вакцините ќе доминира на меѓународната агенда во следните недели и месеци, додаде тој, верувајќи дека мултилатералниот пристап, посебно на владите, меѓународните организации, невладините организации и приватни компании, имаат повеќе шанси да постигнат нешто, отколку само изолирани пристапи.

Вкупно, според неодамнешните официјални податоци, досега 184 земји се приклучија на меѓународниот систем за набавка и дистрибуција на вакцини Ковакс: 92 земји со ниски и средни примања кои ќе добиваат дози бесплатно и 92 земји со „високи приходи” кои ќе одат преку Ковакс за да се снабдат, но ќе треба да ги плаќаат дозите. Директорот на СЗО, Тедрос Аданом Гебрејесус, во неделата повика на глобална солидарност во дистрибуцијата на која било идна вакцина, во услови на експлозија на бројот на случаи на целата планета.

-Не можам да замислам полоша ситуација од онаа во која би се нашле за неколку месеци, гледајќи на планета каде некои би имале пристап до вакцината, богатите, белците, кога друг дел од човештвото ќе биде оставено настрана, инсистираше Паскал Лами.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот