Љубовта кон фудбалот за еден симпатизер на Наполи за малку ќе завршела кобно, откако семејна расправија прераснала во вистински инцидент со нож, објави „Телеклуб Италија“,

Драмата се случила за време на телевизискиот пренос од натпреварот меѓу Аталанта и Наполи. Кога судијата Даниеле Кифи одлучил да поништи досуден пенал, 40-годишниот навивач бурно реагирал пред малите екрани, револтиран од одлуката. Во афект почнал гласно да пцуе и да негодува.

Но, неговата 35-годишна сопруга погрешно ги сфатила навредите, убедена дека се упатени кон неа. Расправијата за кусо време излегла од контрола и таа најпрво го гаѓала со ножици, а потоа, во налет на бес, зела нож и го прободела во ногата.

Повредениот веднаш бил пренесен во болница, додека на местото на настанот интервенирале и полицијата и итната медицинска помош.

 

View this post on Instagram

 

A post shared by Francesco Emilio Borrelli (@francescoemilioborrelli)