Популарниот британски водител на емисијата „Добро утро, Британијо“, познат по своите коментари „без влакна“ на јазикот, се спречка со колегата Алекс Бересдорф околу ситуацијата со Меган Маркл и бесно излезе од студиото.

– Разбирам дека не ја сакаш Меган, тоа повеќепати на сите им го даде до знаење во својата емисија и разбирам дека со неа приватно си бил поврзан, додека не те откачила. Но, таа има право да те откачи ако сака. Дали потоа некогаш зборувала за тебе? Мислам дека не, а ти сепак не престануваш да ја валкаш… – изјави Алекс Бересдорф, што ја предизвика бурната реакција на Пирс.

Тој само стана и рече: „ОК, доста ми е од ова“ и излезе од сетот, а програмата беше прекината со реклами. Подоцна стаса службено соопштение од Морган, кој реши да даде отказ.

– По расправата со Ај-ти-ви, Пирс Морган реши дека сега е време да ја напушти емисијата „Добро утро, Британијо“. Ај-ти-ви ја прифати неговата одлука – стои во службеното соопштение од телевизиската куќа.

I had one goal when I joined @GMB – beat @BBCBreakfast in the ratings.
On my last day, we did it.
That was down to the hard work & dedication of the whole team.
They don’t all agree with me, some don’t even like me, but we were a team..and we won.
Thanks guys. I’ll miss you. pic.twitter.com/eOOmoZfmPT

— Piers Morgan (@piersmorgan) March 11, 2021

Водителот не ги поштеди војводите од Сасекс по интервјуто кај Опра, во кое паднаа тешки обвиненија против британското кралско семејство.

„Ова интервју е срамотно предавство на кралицата и кралското семејство. Очекував злобно и деструктивно себично однесување од Меган Маркл, но Хари да ѝ дозволи вака да зборува за неговото семејство и монархијата е бедно“, напиша Морган на Твитер.

Граѓаните започнаа со масовно потпишување на онлајн петиција за тој да се врати на ТВ екраните, но тој се заблагодари за тој чин и посочи дека нема да го стори тоа.

I won’t be going back, but thanks to everyone who has signed these petitions. Normally, people start petitions to have me fired or deported, so this is a pleasant surprise. https://t.co/jhqt9VbNDN

— Piers Morgan (@piersmorgan) March 11, 2021