Босанскиот пејач Дино Мерлин закажа четири последователни концерти во Белград, а три од нив веќе се распродадени.

„Сараевскиот магионичар” ќе настапи пред своите српски обожаватели на 18, 19, 21 и 22 ноември во Белградската арена.

Иако има голем интерес за концертите, постојат и такви на кои им пречи тоа што босанскиот изведувач ќе одржи концерти во Белград, поради наводен говор на омраза од страна на Дино Мерлин кон српскиот народ.

На веб-страницата „Петиција онлајн“, се појави петиција за забрана за влез на Дино Мерлин во Србија. Досега се потпишале речиси 30.000 луѓе.

Сепак, пејачот во неколку наврати ги негираше ваквите изјави кои му се препишуваат.

„Никогаш не сум рекол дека мразам некого. Тој глагол не постои кај мене. Тоа е ноторна невистина. Многу од работите кои се пишуваа за мене низ годините се целосно измислени“, изјави Дино Мерлин во 2011 година за српската телевизија Прва, непоредно пред неговиот прв концерт во Белград.