Погледнете ја камерата и вратата се отвора: Патувањето со московското метро сега е исто лесно како и прикажувањето на вашето лице – барем за оние што се пријавиле да платат билети со помош на „Face Pay“, пренесува Москва Тајмс.

Со апликацијата MosMetro, луѓето се регистрираат за овој начин на плаќање без контакт користејќи фотографија од лицето и банкарската картичка.

Повеќе од 25.000 луѓе веќе го икористиле уште на првиот ден, објави државната транспортна компанија во саботата во руската метропола.

„Нашите очекувања се надминати“, рече Максим Ликсутов, заменик -градоначалник задолжен за сообраќајот во Москва.

Новата технологија е тестирана од почетокот на годината.

„За да влезат во метрото, на патниците не им треба билет или телефон – само треба да ја погледнат камерата на влезот“, објасни Ликсутов. Системот сега работи на повеќе од 240 метро станици во најголемата европска метропола.

From today, Moscow metro users can pay for any journey using just their facehttps://t.co/T8rJgvt4l6

— The Moscow Times (@MoscowTimes) October 15, 2021

Се очекува системот да го користат 10 до 15 проценти од патниците

За да го користат, патниците мора да ги имаат својата фотографија, банкарска картичка и картичка за патување со воз и автобус и да ги поврзат со апликацијата за метро.

„Москва е првиот град во светот каде системот функционира до овој степен“, рече заменик -градоначалникот.

Тој очекува дека начинот на плаќање, наречен Face Pay, ќе го користат 10 до 15 проценти од патниците во следните две до три години. Безбедно е и може да се користи дури и кога носите маски за лице, уверуваат властите.

Независната организација Роскомсвобода, од друга страна, предупреди дека тврдењата за безбедноста на системот се „доста сомнителни“ и дека личните податоци може да завршат во рацете на безбедносните служби.