Погледнете што се случува кога ги пребарувате Рајан Гослинг, Маргот Роби или „Barbie“ на Гугл
Барби-манијата го зафати светот, а Гугл е секогаш во тек со сите светски трендови.
Тимот на Гугл одлучи да ги изненади фановите на филмот „Barbie“ , па кога ќе го впишете името на Рајан Гослинг кој го игра Кен или пак Маргот Роби која ја игра Барби, во пребарувачот на Гугл, целиот екран ќе ви стане розов и ќе се појават розови ѕвездички. Истото се случува и кога ќе го внесете името на филмот во пребарувачот.
Инаку, изминативе денови низ светот се одржува промотивната турнеја на филмот, со премиери во поголемите светски метрополи. Маргот Роби и Рајан Гослинг моментално се најголемите филмски ѕвезди на планетата, предизвикувајќи хистерија каде и да се појават меѓу обожавателите, кои се воодушевени од првиот долгометражен филм за познатата кукла.
Наскоро филмот ќе се прикажува во кината ширум светот, а очигледно е дека многу луѓе едвај чекаат да го видат.