Агробизнисот на „Фортенова“, која ја презема „Подравка“, поседува околу 440.000 животни на вкупно 37 фарми. Како што откриваат во „Фортенова“, нивните земјоделски компании лани одгледале околу 414.000 свињи  преку сопствени фарми и околу 20 кооперативни фарми, пишува Даница.хр. Тоа е дури 50 отсто од вкупното хрватско производство на свињи.

Најголем купувач на свињи е месната индустрија ПИК Врбовец. Во групацијата „Фортенова“ годишно се произведуваат повеќе од 19.000 бикови и јуници во сопствените фарми и 60 кооперативни фарми, што сочинува 18 отсто од вкупното хрватско производство, наведува компанијата. Тоа е на исто ниво како и лани. Покрај тоа, агробизнисот на „Фортенова“ лани произведе повеќе од 43,5 милиони литри млеко на девет фарми за млеко, што е околу 11 отсто од вкупното хрватско производство.

Минатата година произвеле и 1.000 тони кулен и сланина: во двете категории тие се и лидери на пазарот во Република Хрватска. Со преземањето од Фортенова аграр – компаниите Беље, ПИК Винковци и Вупик Вуковар – Подравка станаа најголеми производители на свињи, крем-сирење, кулен и сланина во Хрватска.