Почнува исплатата на парична помош за социјална и детска заштита
МБА апелираа клиентите на банките коишто не поседуваат дебитна картичка да се придржуваат до утврдениот распоред.
Македонската банкарска асоцијација инофрмира дека банките се подготвени да ја извршат исплатата на паричната помош од социјална и детска заштита.
Сите корисници на парична помош од социјална и детска заштита, коишто поседуваат дебитни картички, ќе располагаат со средствата, преку банкоматите и во трговската мрежа од вторник, 2 јуни 2020 година.
За корисниците кои не користат картички, како што е соопштено и овојпат исплатата ќе се спроведе во групи, во сите отворени филијали и експозитури на банките, согласно со утврдениот распоред по азбучен ред, според првата буква од презимето:
2 јуни (вторник) – А, Б, В, Г, Д, Ѓ, Е, Ж, З, Ѕ;
3 јуни (среда) – И, Ј, К, Л, Љ, М, Н, Њ, О;
4 јуни (четврток) –П, Р С, Т, Ќ, У, Ф, Х, Ц, Ч, Џ, Ш;
МБА апелираа клиентите на банките коишто не поседуваат дебитна картичка да се придржуваат до утврдениот распоред и испраќаат апел при нивната посета на филијалите и експозитурите да пополнат барање за изработка на дебитна картичка со што ќе имаат лесен, брз и едноставен пристап до своите средства во секое време и потребата од физичкото присуство ќе биде помала.
Дополнително од МБА, потсетуваат дека при посета на филијалите и експозитурите треба да бидат запазени сите препораки за заштита на здравјето односно клиентите на банките треба задолжително да носат лична заштитна опрема и да одржуваат соодветна дистанца согласно со насоките.