Американската актерка и театарска режисерка Сузан Шеферд почина на 89-годишна возраст на 17 ноември, потврди нејзиното семејство во саботата вечерта.

Актерката беше позната во јавноста како „мафијашка мајка“ благодарение на улогите во филмот „Goodfellas“ на Мартин Скорсезе, каде што ја глумеше мајката на Карен Хил и серијата „Сопранови“, каде што ја играше мајката на Кармела Сопрано.

“He made us all look like gavones!”

One of the greatest scenes ever. Ever. Rest in Power, Legend!#Goodfellas #TheSopranos

Suzanne Shepherd also plays that part in #RequiemForADreampic.twitter.com/E9OmNAWPF3

— dunzo (@duketinkertown) November 19, 2023

Внуката на Сузан, Изабел, потврди за „Сан“ (US Sun) дека актерката починала, но причината за смртта не е наведена, а семејството не соопшти повеќе детали.

Обожавателите ги преплавија социјалните мрежи со почести за актерката, поздравена како една од најдобрите американски актерки од „гангстерските филмови“.

„Одлична актерка и учителка“, „Ова е толку тажно“, „На сите ќе им недостига“, напишаа многумина на социјалните мрежи.

Поминаа неколку години откако Шеферд последен пат се појави на екранот, но тоа не значи дека таа не била активна. Таа долго време работела и како учител по глума, а Кристофер Мелони, Џоан Ален и покојниот Грегори Хајнс се само дел од нејзините ученици кои постигнале голем успех.