Не можејќи да ја издржи болката по смртта на синот, само три и пол месеци по него, во 2023 година почина легендарната актерка Катерина Крстева, во народот позната како Мара Попара.

На Крстева се потсети порталот „Викимедија“, кој ја објави нејзината животна приказна, во која, покрај многу смеа, имало и многу тага на крајот.

„Речиси да нема човек кого не го насмеала до солзи додека ја гледал на малите екрани или во театар, а сепак таа имала тежок живот, кој на крајот беше обележан со голема трагедија. Катерина Крстева (1941–2023), или Мара Попара според истоимената улога во „Кафулето кај Гане“, беше врвна актерка позната по својата извонредна способност да ја насмее публиката и со децении беше симбол на радост и ведрина. Но, нејзината животна приказна потсетува дека зад сцената не секогаш владее смеа. Како што раскажаа нејзини колеги од театарот, со кои со години го делела секојдневието, таа се омажила во своите 40-ти години за Мишо Ратковиќ и доцна го добила синот единец Александар. Набргу починал нејзиниот сопруг, па како самохрана мајка се борела за подобар живот на своето дете“, пишува порталот.

Крстева почина на 9 јануари 2023 година, а многу нејзини колеги со тага и почит се простија од легендата.

Нејзиниот колега, актерот Гоце Тодоровски, за „Фокус“ откри детали од нејзиниот приватен живот. За синот Александар раскажа дека детството го поминал со неа во театарот, бидејќи татко му починал додека бил многу мал, а мајка му посветено го одгледала.

„Го носеше Александар секаде со себе, на проби, на претстави, тој порасна во театарот. Таа многу се мачеше, се пензионираше во време кога пензиите на актерите беа ниски и со Александар живееја од нејзината скромна пензија од околу 20.000 денари. За да заработи дополнително, додека можеше, одеше низ разни локали заедно со Димче Мешковски, имаа скечеви, претстави… Александар еден период се вработи, но тоа не траеше долго“, раскажуваат нејзини колеги.

Она што сосема ја скршило Катерина била ненадејната смрт на синот, кој почина на 36-годишна возраст, во септември 2022 година. Таа почина само три и пол месеци по неговото заминување, а е погребана покрај него и покрај сопругот Мишо.

Но, блиски пријатели на Александар за „Фокус“ изјавиле дека приказната е уште потрагична. Очигледно е дека колегите на Катерина не се слушнале со неа четири месеци и многумина не знаеле за смртта на синот.

Кога почина Мара Попара, нејзината животна приказна накратко ја раскажа Блага Петреска, која рече дека крајот бил многу тажен, а ја спомена и нејзината сестра.

„Мара Попара нѐ напушти. Не можам да престанам да жалам за нејзината судбина. Толку јак дух, толку позитивна, а крајот бескрајно тажен. Кате моја, нека ти е светол патот и ете не можеше без Цале, па побрза кај него. Сочувство до сестра ти“, стоеше во посветата на легендарната пејачка.