Почина легендарниот Мустафа Надаревиќ!

Мустафа Надаревиќ, познатиот актер од БиХ, почина по долга битка со сериозното заболување на 77-годишна возраст.

Актерот Моамер Касумовиќ ја потврди оваа тажна вест објавувајќи ја на својот Фејсбук профил.

Инстаграм

На Надаревиќ му беше дијагностициран рак. Неодамна беше пуштен од болницата и помина време дома во Загреб, од каде не замина заради епидемиолошката состојба.

Мустафа Надаревиќ е роден во Бања Лука во 1943 година за време на Независна држава Хрватска. Поради бомбардирањето на градот, со семејството се преселил во Загреб. Посетувал прво одделение во ООУ во Загреб, потоа се преселил во Босански Нови, каде што престојувал седум години, а потоа се преселил во Риека.

Инстаграм

Своите први актерски чекори ги направил во театарската група „Виктор Цар Емин“. Потоа заминал да студира во Загреб и дипломирал на Академијата за драмски уметности во Загреб, театарската кариера ја започнал во Младинскиот театар во Загреб. Од 1969 до 2018 година, тој беше член на Драмата на Хрватскиот народен театар во Загреб.

Прочитајте и...  Не работат ништо, а парите им пристигнуваат на сметка – Како се финансира британското кралско семејство?

Гостуваше во Хрватскиот народен театар „Иван пл. Зајц“ во Риека, Хрватскиот народен театар во Сплит и на Летниот фестивал Дубровник. Тој има значајни улоги во домашниот (Богдан во Хваркиња, Помет во Дундо Марое, Милетиќ во Оставка, Леоне во Господа Глембаеви и други) и странски репертоар (Лорензако во Лоренцачио, Сирано во Сирано де Бержерак, Фигаро во Фигаро се жени и Фигаро се разведува, Пратеникот Марфи во Лет над Кукавичјото гнездо).

Мустафа со колегите од серијата „Луд,Збунет,Нормален“/Инстаграм

Мустафа играше голем број улоги во ТВ филмови и серии, а во филмот стана особено познат по улогата на чичко во „Таткото на службен пат“ на Емир Кустурица, и улогите во филмовите „Мирисот на дуњата“ од М. Идризовиќ, „Веќе видено“ од Г. Марковиќ, „Глембаеви“ од А. Врдоjак, „Одмор во Сараево“ од Б. Филиповиќ, „Глувиот барут“ од Б. Ченгиќ, „Совршен круг“ од А. Кеновиќ и други.

Прочитајте и...  ФОТО | Македонско знаме на пица во Италија: Нашиот тенор Благој Нацоски ги импресионира Италијанците со македонскиот ајвар

Актерот предаваше на Академијата за драмски уметности во Загреб две години, а на Сараевската академија еден семестар.

Мустафа Надаревиќ како Изет Фазлиновиќ во „Луд,Збунет,Нормален“/Инстаграм

Со одлука на Министерството за култура на Република Хрватска во 2006 година, тој беше прогласен за национален шампион.

Во 2012 година тој се ожени со словенечката дизајнерка Славица Радовиќ, а таа почина истата година на 48-годишна возраст. Од првиот брак, Мустафа има ќерка Надја, а од вториот брак ќерка Нана и син Аша.

Кај нас овој талентиран актер беше најпознат по улогата на Изет Фазлиновиќ во популарната серија „Луд, Збунет, Нормален“.

Мустафа Надаревиќ на македонската публика и е познат и по улогата во филмот „Илузија“ на режисерот Светозар Ристовски, каде глумеше професор по македонски јазик на главниот лик Марко. Филмот освои неколку награди, а босанскиот актер покажа умешност и во говорењето македонскиот, покрај извонредната глума.

Прочитајте и...  На граничните премини нема подолги задржувања за влез и за излез од државата

Поврзани вести

Шпанскиот крал во изолација по контакт со заболен од ковид-19

Слободен печат

ГП Евзони затворен за сообраќај поради штрајк на грчките цариници

Слободен печат

Папата со критика до луѓето кои не сакаат да носат маски

Слободен печат

ВИДЕО: Кина успешно лансираше роботизирано летало на Месечината

Слободен печат

Наскоро во Македонија се очекува да пристигне лекот „Фавипиравир“

Слободен печат

Заев најави дека не сме далеку од договор со Бугарија

Слободен печат

Остави Коментар