Почина Франц Бекенбауер, еден од најголемите играчи во историјата на германскиот фудбал
Франц Бекенбауер, најдобриот фудбалер во историјата на Германија, почина денеска на 78-годишна возраст. Легендарниот фудбалер боледувал од Алцхајмерова болест која значително се влошила, а сега стигна веста дека починал.
Откако во јули не се појави на прославата на 33 години од освоената титула светски првак, почнаа да се шират гласини дека е тешко болен.
Неговото име ќе остане синоним за Баерн, каде за 13 години одигра преку 400 натпревари и освои сè што можеше.
Како активен фудбалер го освои Светското првенство во 1974 година, а потоа како селектор во 1990 година. Со Баерн четири пати ја освои Бундес лигата, три пати Лигата на шампионите, а во 1972 и 1976 година беше избран за најдобар играч во Европа како добитник на „Златната топка“.
Во 1977 година се пресели во Космос од Њујорк, а во 1980 година се враќа во Германија во екипата на ХСВ, со која го освои домашното првенство во 1982 година. Од 1984 до 1990 година беше тренер, а од 1994 до 2009 година Бекенбауер беше претседател на Баерн. Како спортски директор беше и во Олимпик од Марсеј.
Бекенбауер беше и остана меѓу најдобрите дефанзивци во историјата, а за националниот тим на Германија одигра 103 натпревари и постигна 14 голови.
German legend Franz Beckenbauer has passed away today aged 78.
RIP, Franz. 👑🕊️ pic.twitter.com/IwdSA5KaiT
— Fabrizio Romano (@FabrizioRomano) January 8, 2024