Победија на сите 27 натпревари, но залудно! (ФОТО)
Заменик капитенот на Џерси Булс истакна дека можеа од ФА да почекаат уште малку, на крајот за џабе сиот труд, многу тешко се прифати конечната одлука.
Поради пандемијата на коронавирусот го имаме можеби најголемиот губитник оваа фудбалска сезона. Станува збор за англискиот нисколигаш Џерси Булс.
ФА пред неколку дена донесе одлука да се поништат сите сезони под шестата лига во англискиот фудбал што значи дека нема испаѓања и промоции, па одличната сезона на Џерси Булс беше залудна.
Инаку Џерси Булс се натпреварува во деветтиот ранг на англискиот фудбал и до прекинот имаа максимален учинок, односно на 27 натпревари остварија исто толку победи.
Club Statement ⬇️ #BackTheBulls pic.twitter.com/QPREomIK7e
— JerseyBullsFC (@jersey_bulls) March 27, 2020
No promotion or relegation of Clubs between Steps 3 to 6.
Jersey Bull’s 100% record, 27 wins/27 games with a +92 goal difference counts for nothing. They were already mathematically promoted… pic.twitter.com/ldqyZeCeA9
— Hugo Greenhalgh (@HugoGreenhalgh) March 26, 2020
– Тешко е тоа да се прифати. Фудбалот сега треба да биде запрен поради сето ова што се случува. Здравјето и сигурноста се на првото место. Но, без оглед на тоа многу напор е вложен, како без причина ја игравме сезоната, така се чувствуваме – рече заменик капитенот, Лук Кембел за „Скај Спортс“.
Воедно Кембел додаде дека ФА можеше да почека уште некое време, па донесе конечна одлука во договор со секоја лига. Џерси Булс имаше 20 бодови предност пред Фарнхам Таун и беа пред промоција во повисок ранг.
Во слична ситуација може да се најде и екипата на Ливерпул која имаше 25 бодови предност во однос на Манчестер сити и беше многу блиску до освојување на титулата во Премиер лигата после 30 години.
