Женската фудбалска репрезентација на Македонија до 16 години го заврши настапот на УЕФА развојниот турнир во Струмица со пораз од 2-1 од селекцијата на Фудбалска репрезентација на Косово.

По првото полувреме без голови, гостинките го отворија резултатот во 58. минута преку Олса Кучи, а во 79. минута Леона Малоку зголеми на 2-0. Македонија успеа само да го ублажи поразот во самиот финиш, кога во последната минута Елена Наумоска постигна погодок за конечни 2-1.

Избраничките на селекторката Катерина Милеска на турнирот забележаа една победа (Сан Марино), еден пораз (Косово) и еден натпревар кој го загубија по изведување пенали, откако по 90 минути игра резултатот бeше нерешен (Андора). Со ваквиот учинок, Македонија го освои третото место.

Турнирот во Струмица беше искористен како важна проверка за новата генерација фудбалерки, кои треба да се вклучат во натпреварувачкиот систем на УЕФА во следниот период.