По две предупредувања на Град Скопје: Почната е постапка за присилна наплата на даноци за 2019 година, следува блокада на сметки
Град Скопје ги известува граѓаните дека, во согласност со одредбите од Законот за даноци на имот, почнa постапка за присилна наплата на неплатените обврски по основ на годишен данок на имот и комуналната такса за фирмарина за 2019 годинa, со доставување опомени, по кои следуваше изготвување решенија за присилна наплата и нивно доставување до сите правни и физички лица што вршат дејност на територијата на град Скопје.
Од Град Скопје појаснуваат дека доколку обврзниците не постапат по ваквите решенија, Град Скопје ќе започне со доставување решенија за блокада на нивните сметки во банките.
– Ви укажуваме дека сите даночни и таксени обврзници кои по горенаведените основи имаат заостанати и неплатени долгови, потребно е да ги подмират своите обврски. Ве информираме дека секое физичко или правно лице има достапен увид во неговата финансиска картичка, увид во изготвените решенија по кои е задолжен и истите може да ги печати, истакнуваат од Град Скопје.