Добра вест пристигна од редовите на Њукасл,  менаџерот Еди Хау се врати на клупските обврски, откако помина низ период во кој се соочи со пневмонија. Англискиот стратег денеска повторно е присутен во тренинг-центарот на клубот и ги води подготовките за претстојните натпревари.

Хау поради здравствени проблеми не беше на клупата во последните три средби, откако беше хоспитализиран поради воспаление на белите дробови. Клубот соопшти дека закрепнувањето е успешно и дека тој е подготвен да се врати на секојдневните задачи.

„Со големо задоволство потврдуваме дека нашиот менаџер, Еди Хау, се врати на својата улога во тренинг-центарот на Њукасл. По периодот на хоспитализација поради пневмонија, Еди сега е добро и повторно е со тимот. Благодарност до навивачите за поддршката и добрите желби“, стои во официјалното соопштение на клубот.

Њукасл во продолжение од сезоната ќе се обиде да се избори за пласман на европската сцена.

Newcastle United are delighted to confirm that Eddie Howe has returned to his duties at the club’s Training Centre.

Eddie had recently been hospitalised with pneumonia and has now returned to work after a period of recovery.

We thank supporters for their warm wishes. 🖤🤍 pic.twitter.com/KugUlkVp79

— Newcastle United (@NUFC) April 24, 2025