Фудбалерите на Работнички остварија убедлива победа од 7:0 против Шкупи во натпреварот од 32 коло во Првата македонска лига кој се одигра на Националната Арена, а формално гостин беше клубот од Дебар Маало.

Тимот на Муарем Муарем покажа доминација, Матеј Ангелов го отвори резултатот во 16 минута, на асистенција на Мерџани, а Талаков зголеми на 2:0 во 31 минута.

Сухељ Мухарем беше стрелец на третиот гол, а до крајот на првиот дел голови постигнаа и Талаков и Мехмед.

Во второто полувреме Сухељ Мухарем погоди за 6:0, а серијата голови ја затвори Мартин Талаков.

На табелата во шампионатот Работнички е на 10 позиција со 33 бодови, додека Шкупи е на последната 12 позиција со еден бод.