Кавадарчанец бил уапсен откако агресивно се однесувал кон полицајци, информираат денеска од Секторот за внатрешни работи Велес.

Како што соопштуваат од СВР Велес, вчера во 12:15 часот, полицијата од ОВР Кавадарци го уапсила 43-годишниот Т.С. од Кавадарци, на улицата „Миле В’чков“ во градот, поради агресивно однесување кон полицајците кои биле на должност.

Кај Т.С. биле измерени 3,13 промили алкохол во крвта и бил задржан во полициска станица. За настанот бил известен јавен обвинител, а по целосно документирање на случајот против него ќе бидат поднесени соодветни пријави.