Министерката за одбрана на С. Македонија Славјанка Петровска по повод една година од започнувањето на руската инвазија на Украина, замина во официјална посета на Киев во знак на поддршка на земјава во однос на властите во Киев за зачувување на територијалниот интегритет и суверенитет на земјата. Таа во својата објава на Фејсбук напиша дека денес ќе оствари средби со преставници на официјален Киев.

– Пристигнав во Украина, земјата која една година го брани својот суверенитет и територијален интегритет. Денеска ќе имам средби со претставници на официјален Киев, на кои ќе им ја пренесам јасната и недвосмислена поддршка од Северна Македонија за суверенитетот на Украина и правото на самоодбрана – напиша македонската министерка за одбрана Петровска на својот фејсбук профил.