Поранешната министерка за одбрана, Славјанка Петровска објави дека скопскиот Апелациски суд ја потврдил првостепената пресуда со која утврди дека пратеникот Драган Ковачки од ВМРО-ДПМНЕ ја клеветел и ја навредил во случајот поврзан со обвинувањата за наводно непријавен имот.

Петровска во објава на Фејсбук вели дека пред три години Ковачки на повеќе прес-конференции јавно ја обвинил дека поседува „хациенда со базен“, која, како што тврдеше, не ја пријавила согласно законските обврски.

„Тогаш најодговорно тврдев дека не поседувам скриен имот и дека посочениот имот никогаш не бил мој. Но, упорно и континуирано се ширеа лаги и дезинформации со единствена цел да се нарушат мојот углед и чест. Иако имаше многу обиди од страна на пратеникот Ковачки да ги одолговлекува судењата, сепак вистината победи. На седница одржана на 23.04.2026 година, Апелациониот суд Скопје ја потврди првостепената одлука за изречена клевета и навреда врз мене“, наведе Петровска.

Петровска оцени дека станува збор за „демаскирање на лагите“ со кои, според неа, ВМРО-ДПМНЕ дошла на власт, додавајќи дека политичките конструкции и напади остануваат нивна алатка и денес.

„Стани Цаци да те види сала“, стаса и на пратенички прашања

Ковачки од собраниската говорница: Петровска е на седативи, конфузна и опседната