Петгодишно дете е пронајдено живо во шума во близина на градот Себеш, во романската област Јужна Трансилванија, по опсежна тридневна потрага. Тома-Александро Зерестеа, попознат како Алекс, исчезнал во понеделник минатата недела. Според информациите, таткото накратко го изгубил детето од видот додека поправал ограда, по што детето навлегло во густата шума и му се изгубила секоја трага, објави „Мирор“.

Во потрагата по малото дете биле вклучени речиси 500 луѓе, меѓу кои полицајци, пожарникари, планински спасувачи и голем број доброволци.

Овој регион, кој се наоѓа во подножјето на Јужните Карпати, се смета за исклучително опасен бидејќи е живелиште на најголемата популација на кафеави мечки во Европа, а нападите врз луѓе се редовна појава.

По три дена неизвесност, детето било забележано од екипаж на воен хеликоптер на една полјана, на околу два и пол километри од местото каде што последен пат било видено. Кога го нашле, детето било измрзнато и во состојба на хипотермија.

Петгодишното дете веднаш е префрлено во болница каде што закрепнува под надзор на лекарите.

Полнач за телефон ќе предизвикал трагедија — баба, дедо и внуци спасувале жива глава во Белград