Рафаел Надал ја продолжува победничката низа годинава откако во осминафиналето на турнирот во Акапулко го победи Американецот роден во Скопје, Стефан Козлов во два сета и тоа со 6:0,6:3.

Шпанецот има перфектен старт во 2022 година, победи на сите 12 натпревари и тоа е негов најдобар старт во годината. Претходно Надал победи на АТП турнирот во Мелбурн, а потоа и на Австралија Опен кој исто така се одржа во Мелбурн.

“It’s his best start to a season ever”@RafaelNadal achieves his 12th consecutive win after defeating Stefan Kozlov 6-0, 6-3 in Acapulco🔥@AbiertoTelcel | #AMT2022 pic.twitter.com/1gA80Zf0Vc

— ATP Tour (@atptour) February 24, 2022

Надал ги освои првите седум гема од мечот, а потоа водеше со 4:1 во вториот сет по што Надал за прв пат во Акапулко загуби гем на свој сервис. Козлов намали на 4:3, но Шпанецот направи нов брејк и обезбеди пласман во четвртфиналето.

– Ова беше чуден меч, Козлов има поинаков стил на игра и поради тоа морате да бидете внимателни. Понекогаш можете да освојувате поени во серија, но кога играте по неговиот ритам може да биде тешко бидејќи и многу интелигентен тенисер – изјави Надал.

Следен противник на Надал ќе биде Томи Пол кој беше подобар од Душан Лајовиќ.
Првиот носител Данил Медведев со 6:1,6:2 го победи Пабло Андухар и ја продолжи битката за првото место на АТП ранг-листата. Медведев кој доколку триумфира во Акапулко ќе го симне Новак Ѓоковиќ од врвот на АТП ранг-листата, во наредното коло ќе игра против Јошихито Нишиока кој беше поуспешен од Тејлор Фриц со 3:6,6:4,6:2.

Пласман во следната рунда обезбеди и Стефанос Циципас кој на Џеј-Џеј Волф му препушти само еден гем додека Камерон Нори во три сета со 6:7,6:3,6:4 беше подобар од Џон Изнер.