Ракометниот клуб Пелистер продолжува активно да го комплетира тимот за новата сезона, а најново засилување во битолскиот состав е босанскиот интернационалец Омер Мехмедовиќ, кој настапува на позицијата среден бек.

Откако претходно го доведе Едвин Џелиловиќ, битолскиот клуб се засили со уште еден ракометар од БиХ. Станува збор за 26-годишниот Мехмедовиќ, кој стави потпис на едногодишен договор со можност за продолжување на соработката на уште една сезона.

Мехмедовиќ во Битола пристигнува од словенечкиот Рико Рибница, а во својата кариера има настапувано и за Грачаница во Босна и Херцеговина, како и за австрискиот Барнбах Хофланд.

„Официјалното претставување на Мехмедовиќ е закажано на почетокот од подготовките за сезоната 2026/27“, информираат од клубот од Битола.