Кошаркарите на Пелистер по серијата од три порази на крајот од регуларниот дел, успеаја да се консолидираат и со победа го отворија плејофот, совладувајќи го Маџари со 84-72.

Битолскиот состав одигра сигурно и ја оправда фаворитската улога, за разлика од претходниот меѓусебен дуел во Битола кога до триумф стигна потешко. Тимот предводен од Даскаловски покажа реакција по неуспесите против ТФТ, Тиквеш и Кожув.

Клучниот момент се случи во третиот период, кога „зелените“ направија разлика и со убедливи 26-14 практично го решија победникот.

Најефикасен во редовите на Пелистер беше Џенкинс со 30 поени, додека Малешевиќ забележа дабл-дабл од 13 поени и 10 скока. Кај гостите од Маџари, најрасположени беа Армстронг и Луис со 18, односно 16 поени.

Bo борбата за опстанок во во плеј-аутот Работнички запиша важна победа над Феникс со 93-83. Најефикасен во победничкиот тим беше Ефремовски со 28 поени, додека Рахама запишан 20 поени за Феникс.

МЗТ во последните минути го скрши храбриот Кожув

ТФТ му се одмазди на Тиквеш и победи во првиот натпревар од плеј-офот