Агнета Фелцког (73), пејачка на шведската поп-група АББА, ја најави својата нова, овојпат соло-песна, под наслов „Where Do We Go From Here?“ (Каде одиме ние одовде?)“.

Легендата на АББА, Агнета Фелцког неодамна потпиша за истата издавачка куќа како и Кајли Миног, а на пат е нова музика!

Фелцког планира да издаде албум подоцна оваа година, една деценија откако нејзиниот претходен соло албум „A“ беше објавен во 2013 година.

„Светската премиера на песната е на Би-би-си рaдио 2. Вклучете се в четврток на 31 август во 8:30 часот“, напиша Фелцког на Инстаграм.

АББА е основана 1972 година, а последниве години членовите, по подолга пауза, повторно се обединија и одржаа неколку концерти. Групата се здоби со светска популарност во 1974 година, кога победи на „Евровизија“ со песната „Waterloo“.

ВИДЕО | Педесет години од победата: „АББА“ открија дали ќе настапат на Евровизија следната година

По 40 години повторно заедно: Членовите на групата „АББА“ се појавија пред фановите