Папагалот Ерик го спасил својот сопственик од пожар
Еден човек од Австралија тврди дека успеал да го преживее пожарот што избувнал во неговиот дом затоа што го разбудил неговиот папагал.
Антон Нуен спиел во својата двокатна куќа во Бризбејн кога се запалилa. Тој тврди дека го разбудил неговиот папагал Ерик, кога помирисал чад во куќата.
По тоа, Антон го зел папагалот, ја отворил вратата и погледнал кон задниот дел од куќата, кога и видел дека целиот дел е зафатен со пламен веднаш го напуштил домот заедно со неговото милениче.
Кога пристигнале пожарникарите, пожарот веќе ја зафатил целата куќа.
Пожарот е изгаснат за еден час, а во акцијата учествувале четири противпожарни единици.
Антон Нујен живее сам. Тој тврди дека брзо ја напуштил куќата само со папагалот и една мала торба во раце и дека не е повреден.
Папагалот наводно го повикал својот сопственик по име пред да се вклучат детекторите за чад.