На денешното отворање на американските берзи, акциите паднаа поради зголемувањето на приносите на државните обврзници и загриженоста на инвеститорите за инфлацијата и можното забавување на економскиот раст. Во меѓувреме, инвеститорите ги следат движењата на цените на нафтата, приносите на државните обврзници и случувањата на Блискиот Исток, објави CNBC.

Акциониот индекс S&P 500 ослабе за 0,7 проценти, Nasdaq за 1,1 процент, додека Dow Jones падна за околу 245 поени, или 0,5 проценти. Приносот на американските државни обврзници со рок на достасување од 30 години достигна ниво од околу 5,2 проценти, што е највисоко за речиси две децении. Ова дојде по податоците што укажуваат на повторно зајакнување на инфлацијата поради порастот на цените на нафтата поради конфликтот на Блискиот Исток.

Аналитичарите проценуваат дека повисоките каматни стапки би можеле да ја намалат потрошувачката и негативно да влијаат на долгорочниот економски раст, особено во технолошкиот сектор. Производителите на чипови беа исто така под притисок, при што индексот на Philadelphia Semiconductor Exchange падна за 1,4 проценти, додека Nvidia, Qualcomm и Broadcom забележаа загуби.

Паднаа цените на нафтата по изјавата на Трамп дека војната брзо ќе заврши

Падот на цените на нафтата следеше по изјавата на американскиот претседател Доналд Трамп дека се откажува од планираниот напад врз Иран, по барањата од неколку блискоисточни лидери да се избегне понатамошна ескалација на конфликтот, пренесува Танјуг. Цената на американската сурова нафта WTI падна на 103,81 долари за барел, додека брент на 110,96 долари.