Српските овоштари стравуваат дека временските услови целосно ќе ги уништат нивните производи. Доколку се остварат најлошите прогнози на производителите, недостигот ќе го спречиме со увоз, кој лесно може да ги зголеми цените во продавниците – исто како што се случи со млекото. Оваа зима ја одбележаа прилично високи температури, поради што производителите се во паника.

Ако сега поради пролетните температури плодот процвета, а потоа температурата падне под нулата и „удри мраз“, многу овошја како кајсиите, јаболките и сливите ќе пропаднат. Како што изјави за Нова.рс, Никола Котарац, директор на земјоделската задруга „Вочар“ од Сланкамен, состојбата е проблематична за производителите бидејќи никој не може да влијае на родот што ќе го дадат.

„Сега е топло, плодот ќе зрее и ќе процвета, па кога ќе дојдат студените денови, дури и да „удри“ мразот, тогаш се ќе пропадне“, објаснува Котарац.

Но, Котарац посочува дека нема да има недостиг на овошје, со оглед на тоа што ќе го увезуваме она што е дефицитарно.

„Потрошувачите нема да останат без овошје, тоа е сигурно. Едноставно, ќе увезуваме се што не се произведува доволно кај нас. Но, ќе се случи истото што се случи со млекото – полиците ќе се полнат со производи од странство, кои ќе се увезуваат по којзнае цена“, вели Котарац.