Ова во Шпанија беше невозможно: Рамос се израмни со Меси по бројот на голови
Можеби звучи неверојатно, но Серхио Рамос со голот во 62 минута од натпреварот против Ремс (4:0) во француската „Лига 1“ успеа да се израмни по бројот на голови со неговиот тимски колега Лионел Меси.
Аргентинецот после 20 години во Барселона, лани се пресели во Париз, но во тамошниот шампионат никако да блесне и како по обично да го гледаме како ги тресе противничките мрежи, иако неговиот клуб ита кон нова титула.
Од Лео секогаш се очекува гол или асистенција повеќе, но сезонава не е во најдобра форма на која навикнавме да го гледаме. Во 12 натпревари во француското првенство за париските „светци“ постигна само еден гол и запиша досега пет асистенции.
Sergio Ramos has the same number of Ligue 1 goals for PSG as Lionel Messi 👀 pic.twitter.com/gjBRocENLP
— ESPN FC (@ESPNFC) January 24, 2022
Во ПСЖ пристигна и Рамос, од Реал Мадрид, поголемиот дел од времето беше повреден и во својот само четврти натпревар во лигата го постигна првиот гол.
Ваква ситуација не беше возможна во Шпанија, додека двајцата беа лути ривали на теренот.