Џонс Џуниор за последното забивање доби 48 поени, додека Арон Гордон доби само 47 откако прво го прескокна највискиот НБА играч, Тако Фол, и потоа со две раце ја заби топката во кошот.

Сите очекуваа ова забивање на Гордон да му ја донесе победата, но судиите не мислеа така и шокираа сите – и гледачите во салата и коментаторите и гледачите пред ТВ екраните!

– Ова е чист грабеж – изјави Кени Смит, еден од коментаторите на ТНТ телевизијата, додека неговиот колега Реџи Милер постојано повторуваше дека нешто не е во ред.

Ова е втор пат кошаркарот на Орландо меџик да губи по контроверзна одлука на судиите. Имено, во 2016 година Гордон загуби од Зак Левин иако и тогаш речиси сите мислеа дека пехарот треба да заврши во неговите раце.

Aaron Gordon says he feels like he should have two trophies and likely won’t do the dunk contest again.

(via @Rachel__Nichols) pic.twitter.com/OET4do20dC

— SportsCenter (@SportsCenter) February 16, 2020

– Чувствувам дека требаше да имам два трофеи, мислам дека сум еден од најдобрите, ако не и најдобриот во забивање во моментов. Мислам дека повеќе нема да учествувам! – изјави Гордон.