Македонската радио-телевизија (МРТ) вечерва не ги емитуваше својот централен и вечерен телевизиски дневник, а не беа емитувани ниту други емисии кои беа најавени на програмата. Наместо дел од програмската шема, во вечерниот термин јавниот сервис емитуваше кулинарска емисија и филм.

Од МРТ нема официјално објаснување за овој преседан. Дел од медиумите објавија дека станува збор за технички проблеми поради кои било оневозможено користење на студијата на јавниот телевизиски канал. Одложено е и емитувањето на предизборното претставување на дел од кандидатите за градоначалници.

Ваков куриозитет се нема случено во модерната историја на македонскиот јавен сервис. Досега немаше никакво образложение од надлежните во МРТ.