Отворена истрага: Претседателот на Фудбалската федерација на Италија обвинет за перење на пари
Габриеле Гравина, претседателот на Фудбалската федерација на Италија се наоѓа под истрага на обвинителството поради проневера и перење на пари во врска со ТВ правата.
Првиот човек на италијанскиот фудбал доброволно се сретнал со обвинителите и негирал било каква вина. Тој е обвинет дека противзаконски ги користел парите од продажбата на ТВ правата во 2018 година кога ја водеше третата лига во Италија.
„Баравме сослушување и ја приложивме документацијата за да покажеме дека нашиот клиент е невен. Се расчистивме и сигурни сме дека вистината набрзо ќе излезе на виделина“, изјави адвокатот на претседателот на ФИГЦ.
Гравина на чело на ФИГЦ е од 2018 година. Од април 2021 година исто така е избран во извршниот комитет на Европската фудбалска унија (УЕФА).
Gravina: “Contro di me solo falsità, ora voglio i nomi dei mandanti”#SkySport #Gravina #Figc https://t.co/kVRbnoFdiu
— skysport (@SkySport) March 7, 2024