Министерството за образование и наука (МОН) информира дека од денеска е отворена нова можност за пријавување на студенти за сместување во студентски домови каде што останаа слободни места по завршувањето на првиот конкурс за прием.

Слободни капацитети има во следните студентски домови: „Кочо Рацин“ – Битола, „Томе Стефановски-Сениќ“ – Скопје, „Никола Карев“ – Охрид, „Орде Чопела“ – Прилеп, „Логос“ и „Хилјадников“ – Штип

– Сите заинтересирани студенти може да аплицираат најдоцна до крајот на тековниот месец. Критериумите и условите за пријавување остануваат исти како и при првото пријавување и се достапни на официјалната веб-страница на Министерството – се вели во соопштението.

МОН ги повикува сите студенти кои сè уште немаат обезбедено сместување да се пријават на следниот линк.