Откриен главниот организатор на „крвавиот Велигден” во Шри Ланка

Фото: EPA-EFE

Главниот организатор на терористичките напади на Шри Ланка бил Инсхан Селаван, еден од бомбашите самоубијци, кој во неделата активираше експлозив во хотелот Шангри-Ла, изјави Ширал Лактхилака, советник на претседателот Маитрипала Сирисена.

Некои официјални претставници на Шри Ланка го посочија радикалниот екстремист Захран Хашим за клучно лице во организирањето на терористичките напади за време на католичкиот Велигден.

Лактхилака истакна дека е разбиена цела терористичка мрежа, додека, пак, други претставници предупредуваат дека некои осомничени за нападот се уште се на слобода.

– Најважно е да се истражи како дошло до ова ниво на радикализација, нагласи советникот на Сирисена.

Шефот на државата побара оставки од секретарот за одбрана и од шефот на националната полиција поради нереагирање на предупредувањата за нападите.

Кабинетот на Сирисена соопшти дека претседателот ги побарал оставките денеска. Засега не е познато кој ќе ги замени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот