Украинскиот претседател Владимир Зеленски ја откажа средбата со германската министерка за надворешни работи Аналенa Бaербок наводно поради несогласувањата околу гасоводот Северен тек 2 и воената помош за Киев, објави Си-Ен-Ен. Подоцна Баербок соопшти дека станува збор за „грешка во распоредот“.

 „Извор близок до украинската влада ми кажа дека претседателот Зеленски денеска ја откажал средбата со германската министерка за надворешни работи Аналена Баербок бидејќи министерката одби да каже дали Германија ќе го напушти проектот „Северен тек 2“ доколку Русија изврши инвазија и поради одбивањето на Германија да обезбеди „било каква директна или индиректна воена помош за Киев“, напиша на Твитер новинарот на Си-Ен-Ен, Џејк Тапер.

Тој додаде дека ова откажување официјално е окарактеризирано како „грешка во распоредот“. „Многумина во Источна Европа и Киев се повеќе ја гледаат Германија како руски сојузник, а не како западен сојузник“, изјави новинарот за Си-Ен-Ен, цитирајќи го истиот извор.

Баербок вчера откри дека не можела да се сретне со Зеленски, бидејќи на средбата требало да присуствува и францускиот министер за надворешни работи Жан-Ив Ле Дриан, но француската страна имала промена на плановите.

Молкот на Шолц сè повеќе ги нервира Германците