Омар Мармуш е нов фудбалер на Манчестер сити
Поранешниот играч на Ајнтрахт Франкфурт и египетски репрезентативец Омар Мармуш е нов фудбалер на Манчестер сити.
Препорачано
Египќанецот им се приклучи на „граѓаните“ од Ајнтрахт Франкфурт во трансфер вреден 75.000.000 евра.
По промоцијата тој се обрати пред медиумите во Манчестер:
– Ова е ден кој никогаш нема да го заборавам. Неверојатно е чувството да се потпише за Манчестер сити, еден од најдобрите тимови во светот. Воодушевен сум, моето семејство е толку гордо и сите сме многу среќни што сме тука во Манчестер. Со целиот технички персонал и капацитети од светска класа, ми беше многу привлечно да дојдам овде. Сакам да освојувам трофеи, Сити со години е најуспешниот клуб во Англија, знам дека се приклучувам на победничка средина. Со нетрпение очекувам да учам од одличните соиграчи и да им покажам на навивачите на Манчестер сити што можам да направам – рече Мармуш.
За фудбалската репрезентација на Египет одигра 35 натпревари и шест пати постигна гол.
