Оливија Палеремо демонстрира како свилената марама може да стане одличен моден додаток
Одамна немавме можност да ја видиме американсканската трендсетерка со италијанско потекло како владее по улиците на модните метрополи.
Со нејзиниот „карантински“ изглед, Оливија нè потсети зошто со години беше инфлуенсерка број еден!
Последниве неколку месеци, папараците ја фотографираа Оливија на улиците на Њујорк, поточно во Бруклин, каде што живее, а фотографите честопати ја среќаваат на патот кон продавницата или на прошетка со кучето.
Нејзините стајлинзи секогаш се беспрекорни, но овој пат посебно се издвојува еден детаљ – тоа се претежно свилени марами што Оливија ги носи наместо заштитна маска на лицето.
Погледнете како Оливија успеа од класична свилена марама да направи сериозен моден додаток.