Кандидатката за претседател на ВМРО-ДПМНЕ, Гордана Силјановска Давкова, во Охрид освои 13.257 гласови, што значи 787 гласови повеќе од нејзиниот главен противкандидат Стево Пендаровски предложен од владејачката коалиција кој освои 12.470 гласови.

Третиот претседателски кандидат Блерим Река во овој град освои само 899 гласови или 3,2 отсто.

Интересно е тоа што, пак, градоначалничкиот кандидат на владејачката СДСМ во Охрид, Костадин Георгиевски, во првиот круг од изборите победил со 2.423 гласа разлика.

Георгиевски освои 13.037, додека неговиот противкандидат од ВМРО-ДПМНЕ, Митре Милошевски освоил 10.614 гласови.

Излезноста за претседателските и локалните избори во Охрид е речиси иста и се разликува за само 0.03 отсто во корист за локалните избори.