Ракометарите на Охрид в сабота ги очекува еден од најважните натпревари во клупската историја, реванш дуелот против Цеље во полуфиналето од ЕХФ Европскиот куп, во кој ќе се обидат да обезбедат историски пласман во финалето. Во пресрет на мечот, клубот најави и организирање на фан зона за поддржувачите.

Од охридскиот тим преку социјалните мрежи соопштија дека фан зоната ќе биде поставена пред спортската сала „Билјанини извори“, со почеток од 16:30 часот, каде навивачите ќе можат да се загреат за натпреварот.

„Дојдете во фан зоната пред салата  „Билјанини извори“ во сабота, од 16.30ч. до пред почетокот на натпреварот.

Вратите на салата ќе бидат отворени од 17:30 часот, додека почетокот на натпреварот е закажан за 19:00. Да потсетиме, Охрид на првиот меч загуби со минимални 27:26, па со поддршка од трибините ќе се обиде да направи пресврт.