Европска ракометна федерација официјално ги објави термините за финалните натпревари во Европскиот куп во кои Охрид ќе се обиде да го повтори успехот на Алкалоид од минатата година и да дојде до својот прв трофеј во Европа.

Во финалето Охрид ќе ги одмери силите со унгарскиот состав Татабања, кој важи за еден од најнезгодните ривали во натпреварувањето. Според распоредот, охридскиот тим прво ќе гостува во Унгарија, каде што првиот финален дуел ќе се игра на 24 мај од 17 часот.

Одлуката за новиот освојувач на трофејот ќе падне седум дена подоцна во салата „Билјанини извори“, каде што на 31 мај со почеток од 20 часот Охрид ќе има шанса пред својата публика да испише нова страница во клупската историја.

Во Охрид веќе владее огромен интерес за реваншот, а се очекува салата да биде исполнета до последното место. Навивачите ќе имаат важна улога во обидот „гладијаторите“ да стигнат до европска круна која би имале можност и да ја прослават на домашен терен.

Охрид се засили со српски репрезентативец од Партизан

РФМ: Во продажба билетите за натпреварот Македонија – Словачка за пласман на СП 2027