Официјална Софија го присвојува 24-ти мај: Кирилицата е бугарска азбука, а Кирил и Методиј се Бугари

Бугарското Собрание со 73 гласа „за“, четири „против“ и 34 „воздржани“, денеска го усвои во прво читање, предлогот на коалицијата „Обединети патриоти“ предводена од ВМРО-БНД на вицепремиерот и министер за одбрана Красимир Каракачанов за преименување на празникот 24 Мај од „Ден на бугарската просвета и култура и на словенското писмо” во „Ден на бугарската литература, образование и култура”.

Според предлагачите, ова е прв чекор кон признавање на кирилицата од страна на ЕУ како бугарска азбука.

– Бугарската писменост е идентична со кирилицата, создадена и раширена меѓу другите
словенски народи токму од Бугарија. Основата на државноста на бугарскиот дух е токму бугарското писмо. Кирилицата, која е создадена во Бугарија и ја замени глаголицата, создадена од Константин-Кирил филозоф и Методиј е дел од основното движење за реформи спроведено од Борис, Симеон Велики и цар Петар, образложи пред бугарските пратеници историчарот, Милен Михов од ВМРО.

Прочитајте и...  Заев во најновиот анкетен лист пријавил поголем имот

И неговиот сопартиец Красимир Богданов смета дека „кирилицата е чисто бугарска творба, создадена од Климент Охридски, во бугарска држава, за време на бугарските средновековни кралеви” и повика на широка национална поддршка на овој предлог.

Формулацијата „празник на словенското писмо”, според „Обединети патриоти“, била измислена од Комунистичката партија на Бугарија пред 30 години.

Предлогот во прво читање доби поддршка од пратениците на владејачката ГЕРБ на Бојко Борисов, а против беа опозициските БСП и ДПС.

Поврзани вести

Мерните станици за квалитетот на воздухот обоени во аларманта црвена боја

Рекламација на производи од 847 милиони долари: Ј. Кореја купи четири дрона од САД, два со дефекти

Слободен печат

Видео: Владата отворена за разговори со цел изнаоѓање решенија за декриминализација на канабисот

Слободен печат

Советот на амбасадори го поздравува повлекувањето на Предлог законот за надворешни работи од собраниската процедура

Слободен печат

Видео: Новите инвестиции во инфраструктурата ќе обезбедат подобри работни места

Слободен печат

Мисајловски: Гоце Делчев е Македонец, роден како Македонец и загинал како Македонец и точка

Слободен печат

Остави Коментар