Од денеска па се до недела ќе се игра првиот турнир во групата „А“ од  одбојкарската Европската сребрена лига 2021. Македонските одбојкари на турнирот во Струмица влегуваат како бидејќи се единствени во групата со обезбеден пласман на претстојното Европско првенство. Во денешното прво коло, Израел ќе игра со Данска, а Македонија со Кипар.

– Ние сме во одлична серија резултати. Ако се сметаат натпреварите на дебитантското европско првенство за нас, во 2019 во групата во Љубљана, како и квалификациите за претстојното во септември, ние имаме пет победи на последните шест меча. Тоа е обврска за нас да играме максимално и во групната фаза од Европската сребрена лига, а потоа на завршниот турнир да дојдеме до златниот медал. Тоа ќе биде одлична најава за Европското првенство 2021 – вели капитенот Никола Ѓорѓиев.