Регулаторната комисија за енергетика (РКЕ) донесе одлука за намалување на малопродажните цени на нафтените деривати во просек за 2,13 проценти во однос на претходната одлука од 14.03.2026 година. Така од ноќеска на полноќ, цените на бензините и дизелот се намалуваат за 1,50 денар по литар, додека екстра лесното масло за домаќинство поскапува за 0,50 денари. Според новата одлука, од утре максималните цени ќе изнесуваат:

ЕУРОСУПЕР БС-95 – 80,50 денари за литар
ЕУРОСУПЕР БС-98 – 82,50 денари за литар.
ЕУРОДИЗЕЛ БС (Д-Е V) – 94,00 денари за литар,
Екстра лесно масло (ЕЛ-1) – 97,00 денари за литар.

Цената на мазутот М-1 НС се намалува за 2,939 денари по килограм и ќе изнесува 46,288 денари.

Ацо Ристов ја презеде функцијата претседател на Регулаторната комисија за енергетика

Од РКЕ посочуваат дека намалувањето на цените е резултат на пониските референтни цени на светските пазари, особено кај дизелот, каде падот изнесува над 9 проценти. Во пресметката се вклучени и повластената стапка на ДДВ од 10 проценти (освен за дизелот, за кој Владата го врати ДДВ на 18 проценти), како и намалените акцизи за горивата. Од Регулаторна комисија велат дека станува збор за максимални цени, при што трговците можат да формираат и пониски цени на пазарот.