Обвинителството ги проверува наводите на Жан Митрев дека Заев и Филипче го принудувале да им ја даде болницата
Јавното обвинителство соопшти дека ги проверува наводите на Жан Митрев, кои докторот ги изнесе во интервју, дека поранешниот премиер Зоран Заев и поранешниот министер за финансии, актуелниот лидер на Социјалдемократскиот сојуз, Венко Филипче, го принудувале да им ја продаде неговата приватна болница.
Препорачано
„Основното јавно обвинителство Скопје постапува и веќе презема дејствија на проверки во предметот оформен по допрен глас на 21.01.2026 година од страна на Јавното обвинителство на Република Северна Македонија, по однос на јавно изнесените наводи од лицето Жан Митрев, доктор и сопственик на Клиника „Жан Митрев“ – Скопје, а кои се однесуваат на тоа дека поранешен премиер и поранешен министер за здравство се обиделе да го принудат да им ги продаде неговите сопственички удели во клиниката“, велат од ОЈО.
Во предметот се вршат проверки со цел да се испита евентуално постоење на елементи на кривично дело кое се гони по службена должност, додаваат од Обвинителството.
Во одговор на обвинувањата, Филипче најави тужба против Митрев.
ВИДЕО Филипче: Не сум го рекетирал Жан Митрев, претераа, ќе ги тужам
