Објавени се номинациите за Греми 2026: Еве кој доминира на листата
Објавени се номинациите за престижните музички награди Греми за 2026 година, а сите со нетрпение очекуваме да дознаеме кој ќе го понесе дома златниот грамофон на 1 февруари, пишува „Би-би-си“.
Препорачано
Меѓу имињата за кои најмногу се зборуваше пред номинациите беа Сабрина Карпентер, Кендрик Ламар, Лејди Гага и идната ѕвезда на Супербоул, Бед Бани. Сега е официјално потврдено кој ќе се натпреварува во најважните категории.
Во главните категории, како што се снимка, песна и албум на годината, очекувањата беа точни, а во категоријата „Најдобар нов изведувач“, меѓу другите, се номинирани Оливија Дин, Лола Јанг и Рол модел. Меѓу песните што ја одбележаа изминатата година се „Abracadabra“ од Лејди Гага, „That’s So True“ од Грација Абрамс, како и хитовите на Бед Бани и Сабрина Карпентер. Интересно е што саундтракот на филмот на Нетфликс „К-поп ловци на демони“ (K-Pop Demon Hunters) исто така влезе во номинациите благодарение на песните „Golden“ и „Your Idol“.
Наградите за 2026 година воведуваат и две нови категории: Најдобар традиционален кантри албум и Најдобар омот на албум. Академијата истакнува дека овие промени се направени како резултат на предлози од членовите и за да бидат во тек со трендовите во музичката индустрија.
Извршниот директор на Академијата, Харви Мејсон Џуниор, нагласи: „Овие промени ни овозможуваат да им оддадеме почит на поширок круг творци и да ги признаеме сите кои даваат значаен придонес во музичкиот процес“.
Подолу е комплетната листа на номинирани за наградите Греми за 2026 година:
Текстописец на годината: Ејми Ален, Едгар Барера, Џеси Џо Дилон, Тобијас Џесо Џуниор, Лаура Велц
Продуцент на годината на некласична музика: Ден Ауербах, Циркут, Дижон, Блејк Милс, Саунвејв
Најдобар поп вокален албум: „Swag“ од Џастин Бибер, „Man’s Best Friend“ од Сабрина Карпентер, „Something Beautiful“ од Мајли Сајрус, „Mayhem“ од Лејди Гага, „I’ve Tried Everything But Therapy“ од Теди Свимс
Најдобро поп-соло издание: „Daisies“ од Џастин Бибер, „Manchild“ од Сабрина Карпентер, „Disease“ од Лејди Гага, „The Subway“ од Шапел Роан, „Messy“ од Лола Јанг
Најдобар нов изведувач: Оливија Дин, Кетси, Д Мариас, Адисон Реј, Сомбр, Леон Томас, Алекс Ворен, Лола Јанг
Најдобар рок албум: „Private Music“ од „Дефтонс“, „I Quit, Haim“, „From Zero“ од „Линкин парк“, „Never Enough“ од „Трнстил“, „Idols“ од „Јангблад“
Најдобар рап албум: „Let God Sort Em Out“ од Clipse, Pusha T & Malice, „Glorious“ од GloRilla, „God Does Like Ugly“ од Jid, „GNX“ од Kendrick Lamar, „Chromakopi“ од Tyler, The Creator
Најдобар R&B албум: „Beloved“ од Givéon, „Why Not More?“, Coco Jones, „The Crown“ од Ledisi, „Escape Room“ од Teyana Taylor, „Mutt“ од Leon Thomas
Целосната листа можете да ја видите на овој линк.
