Објавени номинациите за Греми: Бијонсе има дури девет
Американската Академија за дискографска уметност и наука ги објави номинациите за 65-тото доделување на наградите Греми, кои ќе се одржат во Лос Анџелес на 5 февруари.
По бројот на номинации, води Бијонсе, која благодарение на нејзиниот албум „Renaissance“ има дури девет. Таа во својата кариера 88 пати беше номинирана за престижната награда, исто колку и нејзиниот сопруг, раперот Џеј Зи. По овој критериум, двајцата се рекордери во историјата на Греми.
Пејачката на хитот „Break My Soul“ е во конкуренција со некои од најголемите награди на вечерта, вклучително и музичка снимка на годината (се доделува на изведувачот и продуцентот на песната), албум на годината и песна на годината (се доделува на авторот на музиката и на текстот на песната).
Следен по број на номинации е Кендрик Ламар со вкупно осум, додека Адел и Бренди Карлајл заработија по седум. Мери Џеј Блајџ, диџеј Калед, Фјучер, Д Дрим, Ренди Мерил и Хари Стајлс имаат по шест номинации.
Овогодинешното доделување на наградите Греми ќе опфатат пет сосема нови категории.
Со 28 победи до сега, Бијонсе е најнаградуваната жена уметник во историјата на Греми.
За комплетната листа на номинации, посетете ја веб-страницата grammy.com.
Бијонсе ги маѓепса обожавателите: Полугола за омотот на нејзиниот нов албум
Бијонсе се врати со нов албум: Со „Renaissance“ започнува нова клупска ера