Американскиот државен секретар Марк Рубио, американскиот секретар за трговија Хаурад Лутник, американскиот секретар за финансии Скот Бесант и директорот на Централната разузнавачка агенција (ЦИА) Џон Ратклиф ќе бидат дел од делегацијата на Соединетите Американски Држави на состанокот со руската делегација во Алјаска, објавува Ројтерс.

Руските медиуми објавија дека членови на руската делегација ќе бидат министерот за надворешни работи Сергеј Лавров, министерот за одбрана Андреј Белошов, министерот за финансии Антон Силуанов, директорот на Рускиот фонд за директни инвестиции Кирил Дмитриев и помошникот на рускиот претседател Јуриј Ушаков.

Претходно, NBC News, повикувајќи се на двајца високи функционери на американската администрација, објави дека Трамп најверојатно ќе се сретне со рускиот претседател Владимир Путин на црвениот тепих денес во Алјаска каде ќе му приреди топло добредодје.

Приемот ќе се одржи во воената база Елмендорф-Ричардсон во Анкориџ, додека средбата ќе започне во 11 часот по локално време (21 часот по средноевропско време), прво со тет-а-тет средба на двајцата лидери, со присуство на преведувачи, по што треба да се одржи средба на руската и американската делегација, по што ќе следи прес-конференција, пишува Би-Би-Си.

Според распоредот на Белата куќа, сè треба да биде завршено до 17:45 часот по локално време (3:45 часот по источно време, сабота), кога Трамп треба да се врати во Вашингтон.

Воздухопловната база Елмендорф-Ричардсон, северно од Енкориџ, најнаселениот град во Алјаска, се вели дека е и најголемата воена база во Алјаска и дека била клучен објект за воздушна одбрана и централен команден пункт за одбивање на заканите од Советскиот Сојуз за време на Студената војна.

Оваа локација, според претставници на Белата куќа, била  избрана, бидејќи ги исполнувала безбедносните барања за сместување на двајцата лидери.