Милиони луѓе кои ја примија вакцината против ковид-19, доживеале несакани ефекти и тоа е добар показател дека имунолошкиот систем се подготвува да одговори во случај на зараза, но доколку овие знаци изостанат, нема причина за загриженост, велат експертите.

Не треба да се загрижувате, бидејќи немањето реакција не значи дека лицето е незаштитено, велат тројцата стручњаци – Пол Офит од Центарот за вакцини во Детската болница во Филаделфија, доктор Глен Рал, имунолог на „Фокс чејс“, Филаделфија и доктор Сара Колс, матичен лекар и професор на Медицинскиот колеџ при Универзитетот во Аризона.

– Вакцината делува и ако немате нуспојави – појасни д-р Колс, истакнувајќи дека „многумина имаат несакани ефекти, а многумина немаат“.

Отсуството на главоболка или на зголемена телесна температура не е причина за загриженост, вели д-р Пол Офит, кој објаснува: „Сигурно е дека не мора да имате несакани ефекти за да знаете дека сте заштитени“.

Сите ефекти се минливи, генерално траат еден или два дена

Со други зборови, двете појави – стекнувањето имунитет и нуспојавите – се резултат на низата предупредувања во имунолошкиот систем по инјекцијата.

Но, само затоа што првичното воспаление успешно го поттикнало производството на антителата и другиот вид на одбраната против болеста, тоа не значи дека таа мора неопходно да предизвика зголемена телесна температура.

Нема строга корелација помеѓу тие две работи, вели д-р Колс, претседателка на Комисијата за јавно здравје и наука на Американската академија за матични лекари.

И многу други современи вакцини предизвикуваат малку, ако воопшто ги има, несакани ефекти, вели Рал, коавтор на „Принципите на вирусологија“.

– Нормално, ние не гледаме вредни несакани ефекти по вакцинирањето – рекол доктор Рал.

Постојат и други фактори

Дали луѓето ќе имаат нуспојави зависи и од другите фактори, а не само од нивниот имунолошки систем. А, тоа се заморот, стресот и начинот на кој ја доживуваат болката, објаснува д-р Колс.
Процентот на различните реакции се разликува од вакцина до вакцина против ковид-19, а кај вакцините кои се даваат во две дози тие се појавуваат почесто по втората доза.

На пример, кај примената вакцина „Фајзер/Бионтех“, во клиничките испитувања, 3,7 отсто од учесниците на возраст од 18 до 55 години имале зголемена телесна температура по првата доза, а 15,8 отсто по втората.

Половина од примателите на вакцината имале главоболки по втората доза, но тие главно биле умерени или благи.

Сите овие ефекти се минливи и обично траат еден или два дена.

Во ретки случаи, се појавува потешка алергиска реакција наречена анафилакса, настапува неколку минути по инјекцијата и лекарите треба да бидат подготвени да интервенираат со ЕпиПен (апарат за автоматско инјектирање адреналин) или сличен апарат што содржи епинефрин.
Конечно, Офит, Рал и Колс зборуваат за системските нуспојави, а не за „локалните“ ефекти како што се болка во рамотово кое е вбризгната вакцината или црвенило на местото на инјектирање, бидејќи тие појави се чести кај луѓето кои ја примиле вакцината, но се занемарливи во однос на алтернативата – да се разболат од ковид -19.