Најмалку 24 Палестинци беа убиени денес во Појасот Газа додека бараа храна, по израелскиот напад врз централниот дел од опколената територија.

Според Ал Џезира, новото крвопролевање во Појасот Газа се случило јужно од Вади Газа, во центарот на палестинската енклава.

Сликите повторно се шокантни, бидејќи телата се натрупани во медицинскиот комплекс Насер и болницата Ал-Авда.

Во израелските напади врз Палестинците во близина на центрите за помош загинаа 400 лица, а речиси 1.000 се повредени откако Хуманитарната фондација за Газа, поддржана од Израел и САД, започна со дистрибуција на помош кон крајот на мај.